राजकीय आदर्श प्राथमिक विद्यालय – बासोट में अभिभावकोंकि उपस्थिति में परीक्षाफल क् वितरण करी गो। सबै अभिभावकों क् सामणि विद्यालय क् प्रधानाध्यापक डी.एस. गिरी ज्यू द्वारा सबै ना्नु कैं परीक्षाफल सुणायी गो। ना्नुकि शैक्षिक स्तर में सुधार क् लिजी अभिभावकों हां सहयोगकि अपील करी गे। कक्षा -5 में कु० गरिमा ने 92% अंक प्राप्त करि प्रथम , कु०मीनाक्षी ल् द्वितीय स्थान हौर अभिनव ल तृतीय स्थान प्राप्त करौ। सबै कक्षाओं में प्रथम , द्वितीय व तृतीय स्थान प्राप्त ना्नु को पुरस्कृत करी गो। कक्षा -5 वीं बै विदाई लिणी सबै 21 ना्नु कैं विद्यालय क् प्रधानाध्यापक महोदय द्वारा पुरस्कार स्वरूप एक – एक कलम प्रदान करी गे। य अवसर पारि विद्यालय क् शिक्षक श्री सतीश कुमार, कृपाल सिंह शीला, अभिषेक मैखुरी, गीता उप्रेती ज्यू द्वारा सबै ना्नु कैं पास हुण पारि शुभकामनाएं देइ गे। य अवसर पारि सबै अभिभावकों द्वारा छात्रहित में गुरुजनोंक प्रयासोंकि तारीफ करी गे। अभिभावकों में गीता देवी, ज्योति देवी, पुष्पा देवी, सन्तोषी देवी, देवन्ती देवी, हेमा देवी, जमनसिंह, प्रतापसिंह, विक्रम नेगी, रामदत्त उप्रेती हौर लै भौत सार अभिभावक उपस्थित छी।
