चुनाव - बाट बतूनूंचुनावाक दिन नजीक ऐ गईं,
हिटो हो हमलै भाषण सुणि उनूं ,
ढोल दमुवा और रौटि बाजि रै,
हाजिरी आपणि हमलै लगै उनूं !हिटो ०!!
चिर पड़िया खुट छाव लागी हात,
बुत करन-करनै है जांछ रात,
आपणि बात जब उं सुणाला,
मनै कि आपणि हम लै कै उनूं !हिटो०!!
जसिक तसिक सैंति हालीं नाना,
गांठि क डबल गया बेचाणी भाना,
पांच साल पैलिक के कौ छी तुमल,
आज उनूं कणि लै फाम गड़ै उनूं ! हिटो ०!!
पढ़ि लेखी नाना हूं न्हैंति रोजगार,
बिना इलाजै यां मरण ईं बिमार,
घर कुड़ि छोड़ि है गईं परदेशी,
बुड़बाड़ि यां सुंगर बानर हकूनूं ! हिटो ०!!
कलाट पाड़नि गिच को थामो,
भोट दी हाली त तुमन को जाणो,
जो कुर्सी लैक छ वीकैं भैटै बेर,
फरफंडिन कणि बाट बै हटूनूं !हिटो०!!
